పాఠశాల 2015- 2016

      పాఠశాల ఏడవ సంవత్సరంలోకి అడుగు పెట్టింది. ఈ ఏడాది సౌత్ షార్లెట్ లోనూ, నార్త్ చార్లెట్ లోనూ ఓపెన్ హౌస్ ఏర్పాటు చేశాము. సుమారుగా వందమందికి పైగా తల్లిదండ్రులు హాజరయ్యారు, ఎనభై మంది విద్యార్ధులు తమ పేర్లను నమోదు చేసుకున్నారు. ముప్పైఆరు మంది ఉపాధ్యాయులు ఈ ఏడాది పాఠాలు చెప్పడానికి ముందుకు వచ్చారు. ఈ ఏడాది సుమారుగా రెండు వందల మంది విద్యార్ధులతో పాఠశాల తరగతులు మొదలవబోతున్నాయి. 

తరగతులు జరుగు ప్రదేశాలు 
బాలంటైన్ ఏరియా (13 తరగతులు)
స్టీల్ క్రీక్ (ఒక తరగతి)
హంటర్స్ విల్ (2 తరగతులు)
నార్త్ షార్లెట్ (2 తరగతులు)
యూనివర్సిటీ ఏరియా (ఒక తరగతి)
మూర్స్ విల్ (ఒక తరగతి)
స్టీల్ క్రీక్  (2 తరగతులు)
ట్రయాన్ స్ట్రీట్ (ఒక తరగతి)
హారిస్ బర్గ్ (ఒక తరగతి)


కొలబియా, సౌత్ కెరొలినా (3 తరగతులు)
రాలీ, నార్త్ కెరొలినా (ఒక తరగతి) 

ఈ ఏడాది మా ఉపాధ్యాయులు 

రాధ వేలూరి, మంజుల సూరే, ఉష పడాల, ఉష పారుపూడి, అనురాధ కింతలి, కవిత చదా, హరిత సూర్యదేవర, లక్ష్మి కంచెర్ల, జ్యోతి సుంకే, భాను ప్రకాష్ గండ్లూరి, సుధ గుమ్మడి, శశికాంత్ మల్లాది, పద్మ బులుసు, శైలజ డోకి, ఈశ్వరి ఎడపల్లి, లక్ష్మి మేడికాయల, రాజ చదలవాడ, లక్ష్మి వాస, రాజ్ చదలవాడ, శారద నూకల, స్వప్నిక పాలకోడేటి, సునీత సంక్రాంతి,  విజయలక్ష్మి కోమలి, గాయత్రి మారెళ్ళ , పద్మజ విస్సంరాజు, రాణి మద్దినేని, లక్ష్మి రాజేశ్వరి తన్నీరు, మమత కొండమడుగుల, శ్రీ హరి చెక్క
శ్వేత గనపం, శిఫాలి, అరుణ, మాలతి కొట్టె, పద్మజ బింగు, హరి చెక్క, వంశీ అల్లూరి   

విద్యార్ధులను నమోదు చేయదలచిన వారు ఈ పత్రము పూర్తి చేయండి. 
వివరాల కొరకు paatasalausa@gmail.com కు మెయిల్ పంపించండి. 

పాఠశాల తరగతులు ప్రారంభం

ఏ ఇద్దరి మధ్యైనా సత్సంబంధం ఉండాలంటే బాంధవ్యం ఒక్కటే సరిపోదు, అనురాగం ఉండాలి, దాన్ని తెలియజేసే భాష రావాలి. మన పిల్లలను చూడాలని, వారితో సంతోషంగా కాలం గడపాలని ఎంతో ఆశతో వచ్చే తల్లిదండ్రులకోసం, వారి ఆప్యాయతను పిల్లలకు చవిచూపించాలనే తపనతోనూ మొదలైనదే ఈ ‘పాఠశాల’.

ఐదేళ్ళ క్రితం తెలుగు తరగతి మొదలెట్టినప్పుడు, పుస్తకాలు లేవు. పిల్లలకు ఎలా చెపితే ఆసక్తిగా నేర్చుకుంటారో తెలియదు. కాని ఇప్పుడు పూర్తిగా ఆంగ్ల వాతావరణంలో పెరుగుతున్న పిల్లలకు తెలుగుమీద ఆసక్తి కలిగించడంలో కృతకృతులమయ్యామని గర్వంగా చెప్పుకోవచ్చు.

ఔత్సాహికులైన తల్లిదండ్రులు తెలుగు బోధించడానికి ముందుకు రావడంతో పదిమందితో మొదలైన పాఠశాలలో ప్రస్తుతం యాభైయ్యారు మంది విద్యార్ధులు తెలుగు నేర్చుకుంటున్నారు. ఈ తరగతులకు కావలసిన పాఠ్యప్రణాళికలన్నీ అందరికీ అందుబాటులో ఒకే దగ్గర ఉండాలని ఈ బ్లాగు మొదలుపెట్టడం జరిగింది. వినాయక చవితికి, సంక్రాంతికి  పిల్లలు చేసిన బొమ్మలు, నాలుగవ తరగతి విద్యార్ధులు  రాసిన ఉత్తరాలు, వ్యాసాలు, పిల్లలు వేసిన నాటికలు, వారు పాడిన పాటలు, పద్యాలు, వార్షికోత్సవం విశేషాలు అన్నీ ఇక్కడే పొందుపరిచాము. 

పాఠశాలలో విద్య పూర్తిగా ఉచితం. ఎటువంటి ప్రవేశ రుసుము లేదు. మీ ప్రాంతంలో పాఠశాల తరగతులు మొదలు పెట్టాలనుకున్నా, పాఠశాలో బోధించాలనుకున్నా, లేదా మీ పిల్లలను పాఠశాలలో చేర్పించాలనుకున్నా దయచేసి paatasalausa@gmail.com మెయిల్ చేయండి. పాఠాలు చెప్పడానికి కావలసిన పాఠ్య ప్రణాళికలు, పరిక్షా పత్రాలు అన్నీ అందజేయబడతాయి. ఉపాధ్యాయులు వారానికో గంట సమయం వెచ్చించగలిగితే చాలు.

ఆగస్టు 9 వ తేదీ శనివారం మధ్యాహ్నం 3గంటలకు ఉపాధ్యాయుల సమావేశం, ఆగస్టు 16 వ తేదీ మధ్యాహ్నం 3 గంటలకు తల్లిదండ్రుల సమావేశం జరుగుతాయి.

ఓ మదిలో మెదిలిన ఆలోచన వేళ్ళూనుకుని నేడు ఒక వృక్షంలా వెల్లివిరిసింది. రేపు నందనవనంలా విలసిల్లాలని ఆకాంక్షిస్తున్నాము. 

ధన్యవాదములతో,
పాఠశాల ఉపాధ్యాయులు

                                                       

మీ పిల్లలకు తెలుగు నేర్పించాలనుకుంటున్నారా..

రేపటి నుండి పాఠశాలకు వేసవి సెలవలు. మళ్ళీ సెప్టెంబర్  7 న కొత్త సంవత్సరం మొదలౌతుంది. ఆగస్టు 24 న విద్యార్దులందరూ ప్రవేశ పరీక్ష వ్రాయాలి. వారి మార్కులను బట్టి వారు ఏ తరగతిలో ఉండాలో ఉపాధ్యాయులు నిర్ణయిస్తారు. 

పాఠశాలలో విద్య పూర్తిగా ఉచితం. ఎటువంటి ప్రవేశ రుసుము లేదు. వార్షికోత్సవానికి, పిల్లలకు ఇచ్చే బహుమతులకు ఈ సంవత్సరం నలభై ఐదు డాలర్లు ఖర్చయింది. వచ్చే సంవత్సరం నుండి పుస్తకాలు ముద్రించడంకోసం అదనపు ఖర్చు ఉంటుంది. 

మీ ప్రాంతంలో పాఠశాల తరగతులు మొదలు పెట్టాలనుకున్నా, పాఠశాలో బోధించాలనుకున్నా, లేదా మీ పిల్లలను పాఠశాలలో చేర్పించాలనుకున్నా దయచేసి paatasalausa@gmail.com మెయిల్ చేయండి. పాఠాలు చెప్పడానికి కావలసిన పాఠ్య ప్రణాళికలు, పరిక్షా పత్రాలు అన్నీ అందజేయబడతాయి. ఉపాధ్యాయులు వారానికో గంట సమయం వెచ్చించగలిగితే చాలు.

నూతన సభ్యులకు స్వాగతం

పిల్లలకు తెలుగు నేర్పించాలన్న మీ అభిలాష నెరవేరుతుందని ఆశిస్తాను. మీకు పూర్తి స్థాయిలో సహాయ సహకారాలందించడానికి ఉపాధ్యాయులు సిద్ధంగా వున్నారు. ఈ ఆదివారం నుండి తెలుగు తరగతులు ప్రారంభమౌతాయి. 

పిల్లలకు మన మాతృభాషను నేర్పిస్తూ, వారిలో మంచి భావాలను పెంపొందిస్తూ, భవితను ముందుకు నడిపించడమే పాఠశాల ముఖ్యోద్దేశ్యం. పాఠశాల మొదలు పెట్టి నాలుగేళ్లయింది. ఈ నాలుగు సంవత్సరాల్లో ఎంతోమంది పిల్లలు తెలుగు చదవడం రాయడం నేర్చుకున్నారు. కొంతమంది ఉత్తరాలు వ్రాసే స్థాయికి కూడా రావడం చాలా సంతోషకరమైన విషయం. వారీ స్థాయికి చేరుకోవడానికి ఉపాధ్యాయులతో పాటు తల్లిదండ్రుల కృషి కూడా ఎంతో ఉంది. వారందరకీ నా అభినందనలు. మనకున్న అదృష్టం ఏమిటంటే మన ఉపాధ్యాయులు. నిస్పక్షపాతంగా, నిబద్దతతో, నిస్సార్ధంగా పనిచేస్తున్న ఈ ఉపాధ్యాయుల గురించి ఎంత చెప్పినా తక్కువే.

తెలుగులో ఒక్క పదం కూడా పలుకలేని పిల్లలతో తెలుగులోమాట్లాడించి రూపొంచిన మా తొలి నాటిక ఉగాది వేడుకలు 
దసరా పండుగ విశిష్టతను తెలియజేసే మరో నాటిక  దసరా సంబరాలు
తెలుగు భాషాభివృద్ది గురించి వేసిన నాటిక అమ్మమ్మ గారూ అమెరికా ప్రయాణం  
"తెలుగు అసలు ఎందుకు నేర్చుకోవాలి?" అనే ప్రశ్నకు సమాధానమే   roots 
ఇక పోయినేడాది వార్షికోత్సవం సందర్భంగా పిల్లలు వేసిన నాటికలు  శరీర అవయవాలు , నీతి కథలు.  
గత మూడు సంవత్సరాలుగా టిఏజిసిఏ వేదిక మీద ప్రార్ధనా గీతాన్ని మన పాఠశాల విద్యార్ధులే పాడుతున్నారు. అందులో ఒకటి ఈ తేనెల తేటల మాటలతో. 
పోయిన సంవత్సరం వినాయక చవితికి పిల్లలే స్వయంగా విగ్రహాలు 
తాయారు చేశారు.
అంతకుముందు సంవత్సరం నవరాత్రులకు పిల్లలు చేసిన బొమ్మలతోనే బొమ్మల కొలువు పెట్టాము. 
ఇలాంటివో మరెన్నో...

ఇవన్నీ పిల్లలు తెలుగు నేర్చుకోవడానికి, వారికి భాష పట్ల ఆసక్తి  కలిగించడానికి, మన సంస్కృతిని వారికి పరిచయం చెయ్యడానికి చేసినవి. ఇకముందు చేయబోయే కార్యక్రమాలలో మీరు కూడా భాగం పంచుకుంటారని ఆశిస్తున్నాను. 

మీకు తెలుగులో  టైప్ చెయ్యాలని ఆసక్తిగా ఉందా! అయితే ఇలా ప్రయత్నించండి.

ఏడాది పూర్తయిన సందర్భంగా...

     పరీక్షలు పూర్తయి మార్కులు కూడా ఇవ్వడం జరిగింది. మొదలు పెట్టిన పనిని విజయవంతంగా పూర్తిచేసినందుకు మీ అందరికీ అభినందలు. ఈ వారం జరిగిన మన సమావేశంలో మనమేం మాట్లాడుకున్నామో మరొక్కసారి.

1. వచ్చే ఏడాది మొదటి రెండు నెలల్లోనే వార్షికోత్సవం జరిపితే బావుంటుంది. సెలవలలో పిల్లలతో ఏమైనా చేయించడానికి సమయం ఉంటుంది. టీచర్లే అక్కర్లేదు. ఒకే తరగతి పిల్లలే కానక్కర్లేదు. ఎవరైనా చేయించొచ్చు. కాకపోతే ఏం చేయిస్తున్నారో ఒక్కసారి టీచర్లకు గ్రూప్ మెయిల్ పంపించండి. అందువలన ఒకే అంశం ఇద్దరు చేయించే అవకాశం ఉండదు. 
2. తరగతులు ఆగస్ట్ 25 వ తేదీన మొదలౌతాయి. ఆ రోజు వాళ్ళకు పరీక్ష ఉంటుంది. అక్షరాలు నేర్చుకున్న పిల్లలకు అక్షరాలలో, గుణింతాలు నేర్చుకున్న వాళ్ళకు గుణింతాలలో, వత్తులు నేర్చుకున్న వాళ్ళకు ఒత్తుల్లో పరీక్ష ఉంటుంది. అందులో ఉత్తీర్ణులయితేనే తరువాతి తరగతికి వెళ్తారు. లేని పక్షంలో వారు ఈ ఏడాది ఉన్న తరగతిలోనే ఉండాల్సి వస్తుంది. 
3. పిల్లలకు మన భాష నేర్పించడానికి సెలవలు మంచి అవకాశం. వారానికి ఒకసారి మన ఇంటి దగ్గరలో వున్న తెలుగు తరగతుల పిల్లలతో ఏమైనా తెలుగు మీద ఆసక్తి పెంచే ఆటలు ఆడిద్దాం. ఈ విజయాలను మిగిలిన తెలుగు తరగతులతో పంచుకోవడం వలన వారిని ప్రోత్సహించినవారమౌతాము. 
4. పిల్లలు చదవడానికి బొమ్మల పుస్తకాలను http://kinige.com/kbrowse.php?via=recommended ఈ సైటులో కొనొచ్చు లేదా అద్దెకు తీసుకోవచ్చు.
5. తెలుగుకు సంబంధించిన పిల్లల్లో ఆసక్తి కలిగించే విషయాలు, ఆటలు ఉన్న బ్లాగుల లింకులు మన బ్లాగులోనే ఉన్నాయి. 
6. తల్లులతో పటు తండ్రులు కూడా పాఠశాల కార్యక్రమాలలో ఉత్సాహంగా పాలుపంచుకుంటారని ఆశిస్తున్నాం. వచ్చే ఏడాది మరో నలుగురు టీచర్లు అవసరం అవొచ్చు. ఆసక్తి ఉన్నవారు దయచేసి నాకు ఫోన్ చెయ్యండి. 
7. కొత్త తెలుగు తరగతిలో పిల్లలను చేర్చాలనుకున్న వారికి నా మెయిల్ ఐడి మరియు ఫోన్ నంబర్ ఇవ్వండి. వారు ఆగస్ట్ లో జరిగే సమావేశానికి హాజరు కావాల్సి  ఉంటుంది.
8. సంవత్సరం చివరలో పాఠశాల పుస్తకం చేద్దాము. దానికోసం తరగతిలో అప్పుడప్పుడు ఫోటోలు తీస్తే బావుంటుంది.
9. తెలుగు తరగతికి గర్వకారణం స్వచ్చందంగా నిబద్దతతో నిస్వార్దంగా పనిచేస్తున్న ఉపాధ్యాయులు. మాతృభాష నేర్పించాలన్న సంకల్పంతో పిల్లల్ని ప్రోత్సహిస్తున్న తల్లిదండ్రులు. వారి సలహా, సహాయలతోనే ఈ తరగతులను సమర్ధవంతంగా నిర్వహించగలుగుతున్నాము.
10. పిల్లలకు సంబంధించిన చిన్న చిన్న తెలుగు, ఇంగ్లీషు లైబ్రరీ పుస్తకాలు వకుళ గారి దగ్గర ఉన్నాయి. పుస్తకాలు కావలసిన వారు తనను సంప్రదించండి.

తల్లిదండ్రుల ఇచ్చిన సలహాలు, ఉపాధ్యాయుల సమాధానాలు.

1.తరగతిలో తెలుగు మాట్లాడించడంలో ఎక్కువ సమయం కేటాయించాలి.  

   అలాగే చేద్దాము. తెలుగులో మాట్లాడమని మేమేదైనా అంశం ఇచ్చినప్పుడు మీరు మీ పిల్లలకు ఇంటిదగ్గర దాని గురించి వివరించి తరగతిలో సరిగ్గా చెప్పగలిగేలా వారికి తర్ఫీదు ఇవ్వండి.

2. ఇంటిదగ్గర మేము చెప్పేదానికి తరగతిలో మీరు చెప్తున్న మంచి విషయాలు వారు చక్కగా పాటిస్తున్నారు. ఎక్కువగా ఎలెక్ట్రానిక్స్ వాడడం, ఎక్కువగా వాళ్ళ గదుల్లో సమయం గడపడం లాంటివి చెప్పండి.

    తప్పకుండా చెప్తాము. అలాగే మీకు ఇంకే విషయం చెప్పాలన్నా మాకు చెప్పండి. బ్లాగులో పెడతాము. బ్లాగులో నేను ఇంతకు ముందు ఉంచిన మంచి విషయాలలో చాలా వరకు తల్లిదండ్రుల దగ్గరనుండి వచ్చినవే. 

3. పిల్లలకు చిన్న చిన్న బహుమతులివ్వడం వలన వారికి ప్రోత్శాకరంగా ఉంటుంది. బహుమతులు కూడా మేమే తీసుకొచ్చి ఇస్తాము. ఏదైనా మంచి పని చేసినప్పుడు అంటే హోం వర్క్ చేసినప్పుడు, పరిక్ష బాగా వ్రాసినప్పుడు వారికి బహుమతులివ్వండి.

   తప్పకుండా.

4. పండగ సమయంలో పిల్లలతో ఏమైనా చేయిస్తే బావుంటుంది.

    దీనికి మీ సహకారం కావాలి. మీలో కొంతమంది ఈ బాధ్యత తీసుకుంటే బావుంటుంది. ఉపాధ్యాయుల మీద ఎక్కువ వత్తిడి ఉండదు. మీరూ ఇందులో భాగం పంచుకున్నట్లవుతుంది.

5. మనం ప్రతి నెలా ఇలా కలిస్తే బావుంటుంది కదా.

   మంచి ఆలోచన. నెల నెలా కష్టమౌతుందనుకునే రెండున్నర నెలకోసారి కలుద్దాము.

6. పిక్నిక్ చేస్తే మనం బావుంటుందేమో. అక్కడ పిల్లలందరితో ఏమైనా తెలుగుకు సంబంధించిన ఆటలు ఆడిస్తే బావుంటుంది.

   ఎక్కువగా ఉపయోగముండక పోవచ్చు. ఏ తరగతికి ఆ తరగతి అలా చేస్తే బావుంటుంది. మొత్తం పిల్లలందరినీ తీసుకెళ్ళడమంటే కష్టం.

7. ఈ తెలుగు తరగతుల గురించి పాఠశాల గురించి మన వాహినిలో ప్రచురించొచ్చు కదా.

వాహిని తెలుగు అసోసియేషన్ పత్రిక. అది కమిటీ నిర్ణయించాలి.

8. తెలుగుకు సంబంధించిందే కదా వారికి  అభ్యంతరం ఏముంటుంది?

ఆ విషయం గురించి కమిటీతో మాట్లాడాల్సి వుంటుంది.

9. చలికాలంలో తరగతులు 5 నుండి 6 వరకు పెడితే బావుంటుంది.

 5 గంటలకు చాలామంది పిల్లలకు ఏవో క్లాసులు ఉంటాయి. వారికి కుదరక పోవచ్చు. అదీకాక 6 గంటలు మనకు బాగా అలవాటయి పోయింది. ఇలా మర్చినందువల్ల సమయం మరచిపోయే అవకాశం ఉంది. ఏమైనా తరగతి ఉపాధ్యాయులు, తల్లిదండ్రులు నిర్ణయించుకోవాల్సిన విషయమిది.

మన పాఠశాల బ్లాగు

        మన తెలుగు తరగతులను  మొత్తం నాలుగు విభాగాలుగా విభజించిన విషయం మీ అందరికీ తెలిసినదే. మన అందరి సౌకర్యార్ధం ఈమెయిలుకు బదులుగా ఈ బ్లాగును మొదలు పెట్టాము. మీరు ఈ బ్లాగులో పిల్లల హోమ్ వర్క్ చూసుకోవచ్చు. తరగతిలో జరుగుతున్న పాఠాల వివరాలు, కథలు, పదాలు, అక్షరాలు, అంకెలు.... ఎన్నో ఇక్కడ ఉంటాయి. మీకేమైనా సందేహాలున్న యెడల దయచేసి నన్ను సంప్రదించండి. ‘పాఠ్య ప్రణాళిక'లో ఉపాద్యాయులు బోధించవలసినది, 'అభ్యాసము'లో పిల్లలు చేయవలసిన హోం  వర్క్ వుంటుంది. మీ సూచనలకు, సలహాలకు ఎల్ల వేళలా స్వాగతం. ప్రచురణలో ఏమైన అచ్చుతప్పులు కనిపించిన ఎడల వ్యాఖ్య ద్వారా  తెలియజేయగలరు.
       
ధన్యవాదములతో,
జ్యోతిర్మయి